भावार्थ - तुम्ही म्हणता की ब्रह्मांडाचा कुणी शासक आहे, जो मेघाप्रमाणे सर्वांवर सुखाचा वर्षाव करतो, जो कधी बालक नसतो, कधी वृद्ध होत नाही तर सदैव तरुण असतो. जो हजारो ग्रीवायुक्त बनून प्रलय काळात सर्व पदार्थांना गिळून टाकतो व सृष्टीकाळात हजारो लोकांना ज्ञानाचा उपदेश करतो, जो कधी शत्रूंसमोर झुकत नाही, तर त्यांनाच झुकवितो. आम्ही विचारतो तो कुठे आहे? जर आहे तर दाखवा. तुम्ही म्हणता, की तो पूजनीय आहे. आम्ही विचारतो, की कोण विद्वान आहे, जो त्या निराकार, अशरीरी, अदृश्य, अश्रव्याची पूजा करू शकेल? त्यासाठी तो नाहीच, त्याची कोण पूजा करू शकेल? हा प्रश्नकर्त्याचा अभिप्राय आहे. ॥८॥

इस भाष्य को एडिट करें