शब्दार्थ -
(गिर्वणः) स्तुतिवाणीद्वारे वंदनीय वा याचनीय हे परमैश्वर्यवान इन्द्र परमेश्वर, (इमा) (उ) आम्ही उच्चारित करीत असलेल्या वेदवाणी वा स्तुतिवाणी (सुते सुते) आमच्या प्रत्येक ज्ञान, कर्म व उपासना या व्यवहाराद्वारे (त्वा) तुमच्याकडेच (नक्षन्हे) जातात वा प्राप्त होतात. ज्याप्रमाणे (धेनवः) दूध पाजविणाऱ्या वा दुधाने वासराला तृप्त करणाऱ्या (गावः) गायी (वत्सं न) आपल्या वासराकडे धाव घेतात. (तद्वत आमच्या स्तुती वा याचना आपल्याकडे येतात. आपण वासराप्रमाणे आमचे हृदय तृप्त करता.) ।। ८।।

भावार्थ - जशा नवप्रसूता, परिपूर्ण पयोधरा गावी वासराला दूध पाजविण्यासाठी त्याच्याकडे पळत जातात, तद्वत आमच्या रसपूरित, अर्थपूर्ण स्तुतिवाणी प्रत्येक ज्ञान यज्ञात, कर्म यज्ञात आणि उपासना यज्ञात परमेश्वराकडे जायला पाहिजेत (आमच्या ज्ञान, कर्म व उपासनेत केवळ परमेश्वराचे ध्यान प्रगट व्हायला पाहिजे) ।। ८।।

इस भाष्य को एडिट करें