शब्दार्थ -
हे (मेध्यातिये) पवित्र इन्द्ररूप अतिथीची स्तुती आणि सत्कार करणाऱ्या स्तोता, तू (अन्धसः) भक्तिरसाच्या (मदे) आनंदातमग्न होऊन (इन्द्राय) इन्द्र परमेश्वरासाठी म्हणजे हृदयात त्याचे आतिथ्य करण्यासाठी (गाः) आपल्या स्तुतिवाणी (पाहि) सांभाळून ठेव. (यः) जो परमेश्वर (हर्योः) मन- प्राणरूप अश्वांना (सेमिरलः) शरीरात नियुक्त करणारा आहे आणि (यः) जो (हिरण्यमयः) ज्योतिर्मय व यशोमय सून तो (इन्द्रः) परमेश्वर (वज्री) वज्रधारी सेनाध्यक्षाप्रमाणे आक्रमण आणि रक्षण शक्तीने संपन्न आहे. तो दुर्जनांना दंद्वित करणारा व सज्जनांचा रक्षक आहे. तो (हिरण्ययः) सत्यरूप स्वर्णालंकाराने अलंकृत आहे (तो सत्य स्वरूप आहे) ।। ७।।

भावार्थ - अतिथि- सत्कार मनुष्याचा श्रेष्ठ धर्म आहे. इन्द्र परमेश्वरदेखील मनुष्याच्या हृदय गृहाचा अतिथी आहे. त्याचे आतिथ्य करण्यासाठी त्याला श्रद्धा रसात विभोर होऊन स्तुतिवाणीरूप अर्ध्य दान केला पाहिजे. इंद्र परमेश्वर एक असामान्य अतिथी आहे, की जो आतिथ्य करणाऱ्याला ज्योती, कीर्ती आणि सत्यादी सद्गुणरूप स्वर्ण दतो, आपल्या बळाद्वारे त्याची रक्षा करतो आणि स्तोत्याच्या शरीरातील मनाला व प्राणाला नियंत्रित करून त्याला दीर्घायू आणि सामर्थ्य प्रदान करतो. ।। ७।।

इस भाष्य को एडिट करें