English
ऋग्वेद - मण्डल 9/ सूक्त 27/ मन्त्र 1
ए॒ष क॒विर॒भिष्टु॑तः प॒वित्रे॒ अधि॑ तोशते । पु॒ना॒नो घ्नन्नप॒ स्रिध॑: ॥
स्वर सहित पद पाठए॒षः । क॒विः । अ॒भिऽस्तु॑तः । प॒वित्रे॑ । अधि॑ । तो॒श॒ते॒ । पु॒ना॒नः । घ्नन् । अप॑ । स्रिधः॑ ॥
स्वर रहित मन्त्र
एष कविरभिष्टुतः पवित्रे अधि तोशते । पुनानो घ्नन्नप स्रिध: ॥
स्वर रहित पद पाठएषः । कविः । अभिऽस्तुतः । पवित्रे । अधि । तोशते । पुनानः । घ्नन् । अप । स्रिधः ॥ ९.२७.१
ऋग्वेद - मण्डल » 9; सूक्त » 27; मन्त्र » 1
अष्टक » 6; अध्याय » 8; वर्ग » 17; मन्त्र » 1
अष्टक » 6; अध्याय » 8; वर्ग » 17; मन्त्र » 1
विषयः - अथोक्तपरमात्मनो विविधशक्तयो वर्ण्यन्ते।
पदार्थः -
(एषः) अयं परमात्मा (कविः) सर्वज्ञः (अभिष्टुतः) सर्वैः स्तुत्यः (पवित्रे अधि) अन्तःकरणमध्ये (तोशते) प्राप्तो भवति (स्रिधः) दुराचारान् शत्रून् (अपघ्नन्) नाशयन् (पुनानः) सत्कर्मिणः पवित्रयति ॥१॥