ऋग्वेद - मण्डल 9/ सूक्त 45/ मन्त्र 1
स प॑वस्व॒ मदा॑य॒ कं नृ॒चक्षा॑ दे॒ववी॑तये । इन्द॒विन्द्रा॑य पी॒तये॑ ॥
स्वर सहित पद पाठसः । प॒व॒स्व॒ । मदा॑य । कम् । नृ॒ऽचक्षा॑ । दे॒वऽवी॑तये । इन्दो॒ इति॑ । इन्द्रा॑य । पी॒तये॑ ॥
स्वर रहित मन्त्र
स पवस्व मदाय कं नृचक्षा देववीतये । इन्दविन्द्राय पीतये ॥
स्वर रहित पद पाठसः । पवस्व । मदाय । कम् । नृऽचक्षा । देवऽवीतये । इन्दो इति । इन्द्राय । पीतये ॥ ९.४५.१
ऋग्वेद - मण्डल » 9; सूक्त » 45; मन्त्र » 1
अष्टक » 7; अध्याय » 1; वर्ग » 2; मन्त्र » 1
अष्टक » 7; अध्याय » 1; वर्ग » 2; मन्त्र » 1
विषयः - अथ परमात्मा न्यायकारी इति वर्ण्यते।
पदार्थः -
(इन्दो) हे प्रकाशमान परमात्मन् ! (सः) स भवान् (नृचक्षाः) सर्वमनुष्यसाक्षी (मदाय) आनन्दाय (देववीतये) यज्ञाय (इन्द्राय पीतये) जीवात्मनस्तृप्तये च (कम् पवस्व) सुखं वितरतु ॥१॥