English
ऋग्वेद - मण्डल 8/ सूक्त 7/ मन्त्र 3
उदी॑रयन्त वा॒युभि॑र्वा॒श्रास॒: पृश्नि॑मातरः । धु॒क्षन्त॑ पि॒प्युषी॒मिष॑म् ॥
स्वर सहित पद पाठउत् । ई॒र॒य॒न्त॒ । वा॒युऽभिः॑ । वा॒श्रासः॑ । पृश्नि॑ऽमातरः । धु॒क्षन्त॑ । पि॒प्युषी॑म् । इष॑म् ॥
स्वर रहित मन्त्र
उदीरयन्त वायुभिर्वाश्रास: पृश्निमातरः । धुक्षन्त पिप्युषीमिषम् ॥
स्वर रहित पद पाठउत् । ईरयन्त । वायुऽभिः । वाश्रासः । पृश्निऽमातरः । धुक्षन्त । पिप्युषीम् । इषम् ॥ ८.७.३
ऋग्वेद - मण्डल » 8; सूक्त » 7; मन्त्र » 3
अष्टक » 5; अध्याय » 8; वर्ग » 18; मन्त्र » 3
अष्टक » 5; अध्याय » 8; वर्ग » 18; मन्त्र » 3
विषयः - अथ वेदवाग् माता स्वतःप्रमाणं चास्तीति कथ्यते।
पदार्थः -
(पृश्निमातरः) सरस्वतीमातरः (वाश्रासः) शब्दायमाना मरुतः (वायुभिः) सेनाभिः (उदीरयन्त) शत्रून् प्रेरयन्ति (पिप्युषीम्) बलादीनां वर्धयित्रीम् (इषम्) सम्पत्तिं (धुक्षन्त) दुहन्ति ॥३॥