English
ऋग्वेद - मण्डल 9/ सूक्त 109/ मन्त्र 1
ऋषिः - अग्नयो धिष्ण्या ऐश्वराः
देवता - पवमानः सोमः
छन्दः - भुरिगार्चीगायत्री
स्वरः - षड्जः
परि॒ प्र ध॒न्वेन्द्रा॑य सोम स्वा॒दुर्मि॒त्राय॑ पू॒ष्णे भगा॑य ॥
स्वर सहित पद पाठपरि॑ । प्र । ध॒न्व॒ । इन्द्रा॑य । सो॒म॒ । स्वा॒दुः । मि॒त्राय॑ । पू॒ष्णे । भगा॑य ॥
स्वर रहित मन्त्र
परि प्र धन्वेन्द्राय सोम स्वादुर्मित्राय पूष्णे भगाय ॥
स्वर रहित पद पाठपरि । प्र । धन्व । इन्द्राय । सोम । स्वादुः । मित्राय । पूष्णे । भगाय ॥ ९.१०९.१
ऋग्वेद - मण्डल » 9; सूक्त » 109; मन्त्र » 1
अष्टक » 7; अध्याय » 5; वर्ग » 20; मन्त्र » 1
अष्टक » 7; अध्याय » 5; वर्ग » 20; मन्त्र » 1
विषयः - अथ कर्मयोगिनो गुणा वर्ण्यन्ते।
पदार्थः -
(मित्राय) मित्रतारूपगुणवते (पूष्णे) सदुपदेशैः पोषकाय (भगाय) ऐश्वर्य्यसम्पन्नाय (इन्द्राय) कर्मयोगिने (सोम) हे परमात्मन् ! भवान्(स्वादुः) स्वादुफलं (परि, प्र, धन्व) प्रेरयतु ॥१॥