शब्दार्थ -
(इन्दो) आनंद रसाचे व वीररसाचे भंडार हे परमेश्वर, आपण (अया वीती) या रीतीने (परि स्रव) उपासकांच्या अंतःकरणात प्रवाहित व्हा की ज्यायोगे (यः) जो कोणी उपासक (मदेषु) तुम्ही दिलेल्या नंदात (आ) मग्न होईल आणि त्याचे विरोधी असणाऱ्या (नवनवतीः नव्याण्णव वृत्रांचा (अवाहन्) संहार करू शकेल.।। वेदांप्रमाणे माणसाचे सरासरी आयुष्य शंभर वर्षाचे आहे. पैकी नऊ वा दहा महिने आईच्या गर्भात व्यतीत होतात, म्हणून माणूस प्रत्यक्षात नव्वाण्णव वर्ष जगतो. त्या नव्याण्णव वर्षात येणारी नव्याण्णव विघ्ने यांना वृत्र म्हणतात. सोमजनित आनंदाने व वीरत्वाने तृप्त होऊन माणसाने त्या सर्व वृत्रांचा संहार करण्यात समर्थ व्हावे, हा आशय आहे.।। ९।।

भावार्थ - परमेश्वरापासून झरत असलेला आनंदरस अथवा वीररस स्तोताजनाला इतके आल्हादित करून टाकतो की तो जीवनात येणाऱ्या सर्व विघ्नांचा आणि शत्रूंचा संहार करू शकतो.।। ९।।

इस भाष्य को एडिट करें