टिप्पणीः - ४–आ+विशन्तु। प्रविशन्तु। सुतासः। षुञ् अभिषवे–क्त। आज्जसेरसुक्। पा० ७।१।५०। अभिषुताः सोमाः। पृणस्व। म० २। तर्पय। कुक्षी। प्लुषिकुषिशुषिभ्यः क्सिः। उ० ३।१५५। इति कुष निष्कर्षे–क्सि। दक्षिणोत्तरकुक्षिद्वयम्। आत्मानमित्यर्थः। विड्ढि। विध विधाने=शासने तुदादिः। लोटि छान्दसः श विकरणस्य लुक्। हेर्ध्यादेशे ढत्वष्टुत्वजश्त्वानि। त्वं विध विधानं शासनं कुरु। शक्र। स्फायितञ्चिवञ्चिशकि०। उ० २।१३। इति शक्लृ शक्तौ–रक्। शक्नोतीति। हे शक्तिमन्। हे समर्थ। धिया। ध्यै चिन्तने–क्विप्। सम्प्रसारणं च। धीः, कर्मनाम निघ० २।१। प्रज्ञानाम–निघ० ३।९। प्रज्ञया। बुद्ध्या। श्रुधि। श्रु श्रवणे। विकरणस्य लुक्। श्रुशृणुपृकृवृभ्यश्छन्दसि पा० ६।४।१०२। इति हेर्धिरादेशः। अन्येषामपि दृश्यते। पा० ६।३।१३७। इति सांहितिको दीर्घः। शृणु। हवम्। अ० १।१५।२। ह्वेञ् आह्वाने–अप्। आह्वानम्। अवाहनम्। गिरः। गॄ शब्दे–क्विप्। गृणाति=अर्चति। निघ० ३।१४। वाचः। वाक्यानि। जुषस्व। सेवस्व। स्वीकुरु। स्वयुग्भिः। स्व+युजिर् समाधौ, यद्वा०। युज संयमने–क्विप्। युज्यते समाधत्ते, यद्वा, योजयति नियमयतीति युक्। स्वयुक्तिभिः। आत्मीयैः समाधिमद्भिः संयोगवद्भिर्वा मित्रैः। मत्स्व। मदी हर्षे। छान्दसम् आत्मनेपदम्। हृष्टो भव। महे। मह पूजायां–क्विप्। महते। रणाय। रमणाय। आनन्दाय। यद्वा। युद्धजयाय ॥

इस भाष्य को एडिट करें