टिप्पणीः - ११−(इडया)। म० ६। स्तुत्यया प्राप्तव्यया वा प्रकृत्या। (जुह्वतः)। हु दानादानादनेषु-शतृ। शसि रूपम्। होमम् आत्मसमर्पणं कुर्वतः। (वयम्)। पुरुषाः (देवान्)। विजिगीषून् व्यवहारकुशलान् वा पुरुषान्। (घृतवता)। दीप्तिमता सारयुक्तेन वा, कर्मणा-इति शेषः। (यजे)। तिङां तिङो भवन्ति। वा० पा० ७।१।३९। इत्येकवचनं बहुवचने। यजामहे। पूजयामः। (गृहान्)। गृह ग्रहणे-क। गेहानि। (अलुभ्यतः)। लुभ गार्ध्ये=आकाङ्क्षाणाम् विमोहने च-शतृ, दिवादित्वात् श्यन्। शसि रूपम्। तृष्णारहितान् सर्वमनोरथयुक्तान्। (संविशेम)। सुखेन निवसेम। (उप)। उपेत्य। आगत्य। (गोमतः)। भूम्नि प्रशंसायां च मतुम्। बहुभिः प्रशस्ताभिर्गोभिर्युक्तान् ॥

इस भाष्य को एडिट करें