टिप्पणी -
ऋग्वेद परिशिष्टान्तर्गतः प्रवल्हिकापाठः पादटिप्पण्यां प्रदर्शितः। ग्रीफिथ ह्विटनीराथसेवकलालमुद्रितसंहितासु प्रवल्हिकात आरभ्य ‘आदित्या ह जरति’ इति पर्यन्तो ग्रन्थोऽधोलिखितरूपणोपलभ्यते। ॥ १३३॥ विततौ किरणौ द्वौ तावापिनष्टि पुरुषः। दुन्दुभिमाहनाभ्याम्। न वै कुमारि तत्तथा यथा कुमारि मन्यसे॥ १॥ मातुष्टे किरणौ द्वौ निवृतः पुरुषाद् दृतिः। कोशबिले। न वै०॥२॥ निगृह्य कर्णकौ द्वौ निरायच्छति मध्यमे। रज्जुनि ग्रन्थेर्दानम्। न वै०॥३॥ उत्तानायां शयानायां तिष्ठन्तमवगूहति। उपानहि पादम्। न वै०॥४॥ श्लक्ष्णायां श्लक्ष्णिकायां श्लक्ष्णमेवागूहति। उत्तराञ्जनीमाञ्जन्याम्। न वै०॥५॥ अवश्लक्ष्ण मिव भ्रंशदन्तर्लोमवति हृदे। उत्तराञ्जनीं वर्त्मन्याम्। न वै०॥६॥ ॥१३४॥ इहेत्था प्राग्पागुदगधरागासन्ना उदभिर्यथा। अलाबूनि॥१॥ इहे०। वत्साः प्रुषन्त आसते। पृपातकानि॥ २॥ इहे०। स्थालीपाको विलीयते। अश्वत्थपलाशम्॥३॥ सा वै स्पृष्टा विलीयते। विप्रुट॥४॥ इहे०। उष्णे लोहे न लीप्सेथाः। चमसः॥ अशिश्लिक्षुं शिश्लिक्षते॥ पिपीलिकावटः। ॥१३५॥ भुगित्यभिगतः। श्वा॥१॥ शलित्यपक्रान्तः पर्णशदः॥२॥ फलित्यभिष्ठितः। गोशफः॥३॥ वी इमे देवाः अक्रंसताध्वर्यो क्षिप्रं प्रचर। सुषदमिद् गवामस्ति प्रखुद॥४॥.....…………….॥५॥